Mübariz Tağıyev ürəyindən əməliyyat olundu

Klinikanın baş həkimi, Azərbaycan ürək-damar Cərrahları Cəmiyyətinin sədri Kamran Musayevin ANS PRES-ə verdiyi məlumata görə, xalq artisti I gün xəstəxanaya gətirilib. Onun müayinəsi zamanı məlum olub ki, Mübariz Tağıyevin ürəyinin tac damarında ciddi tutulmalar var. Mayın 29-da saat 10:00 radələrində əməliyyata götürülən xalq artistinin ürəyinin 4 damarı dəyişdirilib. 4 saat çəkən əməliyyat uğurla başa çatıb.“Xəstəmiz artıq oyanıb. Mübariz Tağıyev hazırda reanimasiyadadır. Onun vəziyyəti keçirdiyi əməliyyata uyğun olaraq stabildir. Xəstə bir müddət müalicə alacaq. Hazırda həyatı üçün heç bir təhlükə yoxdur”, - deyə Kamran Musayev bildirdi.Mübariz Tağıyevi elə klinikanın baş həkimi Kamran Musayev əməliyyat edib.