Müəllif Hüquqları Agentliyi Azərbaycan xalq mahnısı “Uzundərə”ni erməni mahnısı kimi təqdim edən Birinci kanala rəsmi etiraz məktubu ilə müraciət edəcək.
Bu barədə AZXEBER.COM-a Müəllif Hüquqları Agentliyinin hüquq şöbəsinin müdiri Xudayat Həsənlibildirib.X.Həsənlinin sözlərinə görə, məsələ ilə bağlı araşdırma aparılır:“Ermənilər bu mahnını necə mənimsəyə bilərlər ki? Həmin rəqs Üzeyir Hacıbəylinin “O olmasın, bu olsun” operettasında gəlinin gətirilməsi səhnəsində də var. Ermənilər vərdiş ediblər ki, bizim xalq və bəstəkar mahnılarımızı mənimsəsinlər.
Artıq məsələ ilə bağlı araşdırma aparırıq. Faktları və sənədləri toplayırıq. Bu prosesdən sonra Rusiyanın Birinci kanalına rəsmi etiraz məktubu ilə müraciət edəcəyik”.Mədəniyyət və Turizm Nazirliyinin mətbuat xidmətindən Gün.Az-a bildirilib ki, yaxın günlərdə məsələ ilə bağlı sözügedən telekanala müraciət olunacaq.Xatırladaq ki, Rusiyanın Birinci telekanalında Yelena Malışevanın təqdimatında nümayiş olunan “Здоровье” (“Sağlamlıq”) verilişində Azərbaycanın qədim rəqslərindən olan “Uzundərə” erməni rəqsi kimi təqdim olunub.Verilişin aparıcısı isə bu rəqsin ermənilərə aid olduğunu xüsusi vurğu ilə qeyd edib.Halbuki, “Uzundərə” qədim Azərbaycan rəqslərindən biridir. Dahi bəstəkar Üzeyir Hacıbəyli bu musiqidən “O olmasın, bu olsun” operettasında istifadə edib.
