Türkiyənin Çanaqqala vilayətində dəhşətli cinayət baş verib. Ayvacık vilayətində müəllim işləyən K.Ö adlı şəxs iki azyaşlı övladını öldürüb. Müəllim 4 yaşlı Kübra Ö. və 7 yaşlı Kənana Ö.-nü daşla başlarını əzərək onları qətlə yetirib. Daha sonra uşaqların meyitini ağacın altında basdırıb. Sonra isə özünü yoldan keçən yük maşınının altına ataraq intihar etmək istəyib. Lakin K.Ö. ölməyib. Onu ağır halda xəstəxanaya yerləşdiriblər. Polisə ifadə verən cinayətkar müəllim uşaqlarının meyitinin basdırıldığı yeri göstərib. K.Ö-nün yaxınları müəllimin borc üzündən uşaqlarını öldürərək, intihar etmək istədiyini deyiblər. Polis hadisənin səbəbini dəqiqləşdirir.//anspress