Azərbaycanlı gənc müğənni Ayan Babakişiyeva yenə tamaşaçıları təəccübləndirib.AZXEBER.COM-un məlumatına görə, sənətçi qeyri-adi sənət yenilikləri sırasına növbəti foto layihəsini daxil etib. Bahalı klip qiymətinə başa gələn foto layihə üzərində peşəkar heyət çalışıb. Modelyer Şəlalə Maqsudovanın kolleksiyası ilə tanış olarkən Ayan video lentlərdən hazırlanmaqda olan geyimlərdən bəhrələnmək qərarına gəlib. Uzun illər müğənni ilə çalışan vizajist Səbinə İmanovanın geyimlərlə tanışlığı böyük layihənin təməlini qoyub. 6 ay müddətində hazırlıq prosesini keçən video lentlərdən ibarət geyimdə parca məmulatndan istifadə olunmayıb. Hazır libas ətrafında hər kəsi heyrətləndirəcək maraqlı foto layihə ərsəyə gəlib. Müğənni özü layihəsi haqqında bunları bildirib:
“Ərsəyə gətirdiyimiz bu layihəyə “Qaranlıq şahzadəsi” adını yaraşdırmışıq. Amma hər qaranlıqda da bir nurun olması danılmazdır. Əziyyəti, maddi tutumu və qeyri-adiliyi ilə seçilən layihə bahalı klip qiymətinə başa gəlib. Şəlalə xanımın kolleksiyaları ilə tanış olanda qəti şəkildə bu geyimdən bəhrələnəcəyimi və onu heç kimə təqdim etməməyini bildirdim. Geyim bütünlüklə video lentdən hazırlanıb. Çəkiliş zamanı hərəkətlərimlə onları zədələməməyə çalışırdım. Obrazların birində başımda 8 kl ağırlığında dəmir elementləri gəzdirmişəm. Geyimləri mənzərələr tamamlayb. Böyük zəhmət və məbləğ hesabına ərsəyə gətirilən bu layihənin təkrarsızlığı və özəlliyi ilə seçiləcəyinə əminəm” – deyə Ayan Babakişiyeva bildirdi.
Qeyd edək ki,, fotolayihədə vizajist Səbinə İmanova, modelyer Şəlalə Maqsudova, fotoqraf Çingiz Seyfullayev, Video Backstage Fuad Seyfullayev, qrafist Asif Bafoğlu çalışıblar.
https://www.youtube.com/watch?hl=ru&gl=US&client=mv-google&v=9tVPjZTjTEw&nomobile=1
