Sosial şəbəkələrdə müxalifətlə bağlı növbəti şok video yayılıb.

AZXEBER.COM-un məlumatına görə, bu dəfə videonu müxalifətçi gənclər- Müsavat Gənclər Təşkiları yayıb.

Videoda Eldar Namazovun müxalifəti pula satdığı təsvir edilir.

Qeyd edək ki, “Yeni Müsavat” qəzeti son vaxtlar “El” hərəkatının liderinə qarşı kampaniya aparır, ehtimal etmək olar ki, bu video da həmin kampaniyanın tərkib hissəsidir. Bundan başqa burada Eldar Namazovun İsa Qəmbər, Əli Kərimli, Rəsul Quliyevi də öz əlaltısına çevirməsi əks olunur.

Lakin videoda son vaxtlar “satqın”çılıqda günahlandırılan Rauf Arifoğlunun da tənqid olunması belə ehtimallara yol açır ki, bu, Müsavat daxilində hansısa narazı qrup tərəfindən hazırlanmış videodur. Bir müddət əvvəl Müsavat Partiyasının Gənclər Təşkilatına sədr seçkiləri də böyük skandalla müşayiət olunub və hələ də sədr postu uğrunda dava gedir. Bu videonun həmin nəticələrdən narazı qalan müxalifətçi gənclər tərəfindən yayılması ehtimalı yüksək qiymətləndirilir.

Hələlik nə “Müsavat” Partiyası, nə partiyanın Gənclər Təşkilatı sosial şəbəkələrdə sürətlə yayılan bu video haqqında açıqlama verməyiblər. Partiya funksionerləri sosial şəbəkələrdə ifşa olunduqları görüb, telefonlarını söndürüblər. Sızan məlumatlara görə, bu videodan sonra müxalifətçi gənclər arasında əlbəyaxa dava da düşüb. Hətta davaya partiya sədrləri təhqir olunduğu üçün AXCP Gənclər Təşkilatının fəallarının da qoşulduğu bildirilir.

AZXEBER.COM yazıda adıçəkilən tərəflərin də mövqeyini işıqlandırmağa hazırdır.