Xəbər verdiyimiz kimi, aktyor Fərda Amin və uzun illərdir dostluq etdiyi aktyor Müşfiq Şahverdiyev arasında inciklik yaranıb.
Fərda Müşfiqin də rol aldığı "Cin atı” filminin qalasına dəvət olunmadığı üçün dostundan incidiyini bildirmişdi.
Aktyor Müşfiq Şahverdiyev mövzu ilə bağlı AZXEBER.COM- a açıqlama verib.
O Fərdanın küskünlüyünü yeni öyrəndiyini deyib:
"Fərdanın məndən küsdüyünü eşitdim, videosunu da gördüm. Vallah o film "SOY production”ın öz layihəsidir. Mən ora ailəmdən başqa heç kimi dəvət etməmişdim. Baş rolda çəkilsəm də, filmin sahibi Dilarə Əliyeva və Fariz Əliyevdir. Qonaqların hamısını onlar dəvət etmişdilər. Mən sadəcə maraqlanmışam ki, bu, bu şəxslər olacaq? Mənə deyiblər ki, hə, dəvət etmişik. Yəni bu film mənim deyil”.
Aktyor daha əvvəl özünün ərsəyə gətirdiyi bütün filmlərdə Fərdanın iştirak etdiyini deyib:
"Mənim öz filmlərim olub ki, "My name is İntiqam, "Gizlənqaç”, bunların hər birində Fərda başda olub. Amma bu mənim sadəcə aktyor kimi çəkildiyim bir filmdir. Onun qalan işləri ilə mən məşqul olmamışam. Dəvətnamələrin yazılmasıdır, qala gecəsinin təşkil olunmasıdır, bunlar hamısı prodüserin işləri olub. Mən özüm şəxsən Fərdanın dəvət olunub- olunmadığını prodüserdən soruşmuşam, mənə deyiblər dəvət olunub. Amma Fərda qalaya gəlməmişdi”.
Aysel
