Naftalan Şəhər İcra Hakimiyyətinin təşkilatçılığı ilə görkəmli oftalmoloq-alim, Azərbaycan tibb elminin inkişafında müstəsna xidmətləri olan akademik Zərifə xanım Əliyevanın anım günü ilə bağlı "Elmin və nəcibliyin rəmzi” mövzusunda tədbir keçirilib.
AZXEBER.COM xəbər verir ki, tədbirdə Naftalan ŞİHB-nın müavini, məsul əməkdaşları, YAP Naftalan şəhər təşkilatının, şəhər Ağsaqqallar Şurasının sədrləri, Şəhər Mərkəzi Xəstəxanası PHŞ-nin, Reabilitasiya Mərkəzinin, Naftalan Gigiyena Epidemiologiya Mərkəzinin rəhbərləri, tibb işçiləri və ziyalılar iştirak edib.
Öncə Zərifə xanım Əliyevanın əziz xatirəsi bir dəqiqəlik sükutla yad olunub. Görkəmli akademik Zərifə xanım Əliyevanın elmi fəaliyyətinə həsr olunmuş film nümayiş olunub.
Çıxış edənlər tibb elmləri doktoru, akademik, dahi oftalmoloq-alim və ictimai xadim Zərifə xanım Əliyevanın mənalı həyat yolundan, elmi irsinin əhəmiyyətindən, fədakar peşə və ictimai fəaliyyətindən geniş bəhs ediblər. Qeyd olunub ki, oftalmologiya sahəsində dəyərli araşdırmaları və fundamental elmi nailiyyətləri ilə tibb tariximizdə silinməz iz qoymuş Zərifə xanım Əliyeva, həm də nəcib niyyəti və xeyirxah əməlləri ilə xalqımızın qəlbində əbədiyaşarlıq qazanmış, gözlərə nur bəxş etmişdir.
Tədbirdə Zərifə xanım Əliyeva haqqında dərin ehtiramla xatirələr bölüşülüb, onun həyat və fəaliyyətinin müxtəlif istiqamətlərdə miras qoyduğu əvəzsiz irsi vurğulanıb. Bildirilib ki, o, yalnız bir alim və həkim kimi deyil, həm də nurlu mənəviyyatı, insanpərvərliyi, yüksək intellekti ilə əsl Azərbaycan qadınının mükəmməl obrazını yaratmışdır. Eyni zamanda, Ümummillli Lider Heydər Əliyevin ömür gün yoldaşı olan Zərifə xanım Silahlı Qüvvələrin Müzəffər Ali Baş Komandanı, müdrik dövlət xadimi, Prezident cənab İlham Əliyevi xalqımıza bəxş edən fədakar və qayğıkeş ana kimi də daim qəlblərdə yaşayaraq.
