Prezident İlham Əliyevin tapşırıq və tövsiyələrinə uyğun olaraq ölkənin hər yerində olduğu kimi, Naftalan şəhərində də abadlıq və quruculuq işləri sürətlə davam etdirilir, mərkəzi küçələr, məhəllədaxili yollar əsaslı şəkildə yenidən qurulur, park və meydançalarda müasir tələblər səviyyəsində təmir işləri aparılır.
AZXEBER.COM xəbər verir ki, şəhər rəhbərliyinin təşəbbüsü ilə Qələbə parkında trenajor idman avadanlığı quraşdırılıb şəhər əhalisinin istifadəsinə verilmişdir. Şəhər əhalisinin asudə vaxtlarının səmərəli keçirilməsi məqsədilə bu kimi işlər davam etdirilir. Bununla yanaşı İslam Həsənzadə küçəsində azyaşlılar üçün atraksion quraşdırılıb.
Naftalanın iqtisadi baxımdan turizm şəhəri olduğunu nəzərə alaraq turizmin və şəhərin inkişaf etdirilməsi üçün yeni layihələr üzərində işlər aparılır və buda gələcəkdə şəhərin iqtisadi potensialının güclənməsinə zəmin yaradacaqdır.
