Ömrünü Azərbaycan dövlətçiliyinin tərəqqisinə sərf etmiş Ulu Öndər Heydər Əliyevin 102 illik yubileyi münasibəti ilə Naftalanda "Konstitusiyanın Memarı: Ulu Öndərin Quruculuq Strategiyası” mövzusunda tədbir keçirilib.
AZXEBER.COM xəbər verir ki, tədbirdə Naftalan Şəhər İcra Hakimiyyətinin başçısı, hüquq mühafizə orqanlarının rəhbərləri, YAP Naftalan şəhər təşkilatının, şəhər Ağsaqqallar Şurasının sədrləri, idarə, müəssisə, təşkilat rəhbərləri və ziyalılar iştirak edib.
Əvvəlcə iştirakçılar Ümummilli Lider Heydər Əliyevin abidəsini ziyarət edərək, Ulu Öndərin əziz xatirəsinə ehtiramlarını bildiriblər.
Daha sonra Heydər Əliyev Mərkəzində Ümummilli Liderin şərəfli ömür yolunu əks etdirən foto-eksponatlara və fotoşəkillərdən ibarət sərgiyə baxış keçirilib.
Ulu Öndər Heydər Əliyevin və torpaqlarımızın azadlığı uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.
ŞİH-nin başçısı xalqımızın Ümummilli Lideri Heydər Əliyevin Azərbaycan dövləti və xalqı qarşısındakı tarixi xidmətlərindən, onun siyasi təcrübəsi və uzaqgörənliyi sayəsində ölkəmizin qazandığı uğurlardan söz açıb. Bildirib ki, Ümummilli Lider daim millətinin və dövlətinin ali mənafeyini öz fəaliyyətində təməl prinsip və norma kimi qəbul edib. Azərbaycanda dövlət quruculuğunun inkişafı, tərəqqisi Ümummilli Lider Heydər Əliyevin adı ilə bağlıdır.
Digər çıxış edənlər Ulu Öndər Heydər Əliyevin insan hüquqları, qanunun aliliyi və Azərbaycan Respublikasının Konstitusiyasına əsaslanan milli hüquq sisteminin inkişafındakı misilsiz xidmətlərini vurğulayıblar. Onun dövlətçilik irsi və idarəçilik ənənələrindən danışıblar. Bildirilib ki, Möhtərəm Prezident cənab İlham Əliyevin rəhbərliyi ilə bu siyasi kurs uğurla davam etdirilir.
Tədbirdə Ulu Öndər Heydər Əliyevin 102 illiyi münasibətilə bir qrup fəal şəhər sakinləri Fəxri Fərmanlarla təltif olunublar.
Tədbir Heydər Əliyev parkının ərazisində ağacəkmə aksiyası ilə davam etdirilib.
