Naftalan şəhərində Xocalı faciəsi qurbanlarının xatirəsi ehtiramla anılıb.
AZXEBER.COM xəbər verir ki, anım tədbirində ŞİH-nin başçısı, hüquq mühafizə orqanlarının rəhbərləri, YAP Naftalan şəhər təşkilatının sədri, şəhər ictimaiyyətinin nümayəndəri iştirak edib.
Anım tədbirində Şəhidlərin xatirəsinə ucaldılmış "Vətən Uğrunda Həlak Olanların Memorial Kompleksi” ziyarət olunub, gül dəstələri düzülüb, ruhlarına dualar oxunub.
Ermənistanın Azərbaycana qarşı ərazi iddiaları, erməni qəsbkarlarının xalqımıza qarşı həyata keçirdikləri etnik təmizləmə siyasəti nəticəsində törədilən qanlı cinayət - Xocalı faciəsi xüsusi amansızlığına görə seçilir. Bu faciə təkcə xalqımıza qarşı deyil, eyni zamanda bütün bəşəriyyətə qarşı törədilmiş ən ağır cinayətdir.
Güclü siyasi iradə, möhkəm iqtisadi potensial, qüdrətli ordu, xalq-lider vəhdəti, cəmiyyətdəki böyük ruh yüksəkliyi, vətənpərvərlik, əzmkarlıq tarixi Qələbəni təmin etdi, şəhidlərimizin, eləcə də Xocalı qurbanlarının qisası alındı.
