AZXEBER.COM "Der Spiegel" nəşrinə istinadən xəbər verir ki, PUA polisə məxsus aşkarlama sistemlərindən yayınmağı bacarıb. Dronu ilk olaraq yükdaşıma şirkətinin əməkdaşı, daha sonra isə polis patrulları müşahidə ediblər. Hava limanı yerli vaxtla səhər saat 4 radələrində tamamilə bağlanıb.
PUA sonuncu dəfə saat 04:40-da (Bakı vaxtı ilə saat 06:40 - red.) qeydə alınıb. Hava limanının fəaliyyəti yalnız saat 05:20-də (07:20 - red.) tam bərpa olunub.
Hadisə nəticəsində yük təyyarələrindən biri marşrutunu dəyişməli olub, bir neçə reys isə təxirə salınıb.
Məlumata görə, Almaniya Federal Polisi mövcud antidron avadanlığı ilə hava limanının təhlükəsizliyini təmin edə bilməyib.
