Yüksək komanda ruhu və kollektiv əzmkarlıq xüsusiyyətlərini özündə birləşdirən böyük “Nar Mobile” ailəsi daha bir uğura imza atdı. Belə ki, mobil operatorun biznes prosesləri üzrə baş mütəxəssisi Aqşin İsmayılov 27 may – 1 iyun 2014-cü il tarixləri arasında Rusiyanın Soçi şəhərində keçirilən Ağırlıqqaldırma üzrə dünya kuboku yarışlarında yüksək nəticə göstərərək bütün “Nar Mobile” kollektivini sevindirdi. Ağırlıqqaldırmanın “Bench Press” növü üzrə keçirilən yarışlarda çıxış edən İsmayılov mütləq çəki dərəcəsində 2-ci yerə layiq görüldü, 82,5 kq-lıq çəki dərəcəsində isə 220 kq nəticə ilə 1-ci yeri tutdu.
Qeyd edək ki, “Nar Mobile” hər zaman müxtəlif maraq dairələri olan əməkdaşlarının fərdi və xüsusi keyfiyyətlərinə inanır, onlara hər bir məsələdə dəstək olur. Məhz buna görə də Aqşinin qələbəsinə inanan “Nar Mobile” ailəsi bir daha yüksək komanda ruhu nümayiş etdirərək bu yarışa xüsusi önəm verdi. Yaxınları və həmkarlarının etimadını doğruldan idmançı isə bu mötəbər beynəlxalq yarışda ən yüksək nəticələrdən birini göstərərək böyük uğura imza atdı.
Azərbaycanın sürətlə inkişaf edən mobil operatoru olan “Nar Mobile”, 2007-ci ildən etibarən abunəçilərinə xidmət göstərir. Fəaliyyət göstərdiyi illər ərzində “Nar Mobile” daima sərfəli qiymət siyasətinə sadiq qalaraq müxtəlif tarif planları ilə abunəçilərinə ən sərfəli təkliflərini təqdim etmiş və abunəçilərin rəğbətini qazanmışdır. Münasib danışıq tarifləri ilə yanaşı, mobil operatorun müxtəlifliyi və sərfəliliyi ilə seçilən internet paketləri və abunəçilərin hər zona üzrə bir qiymət ödədiyi sadə rouminq təklifləri xüsusilə qeyd olunmalıdır.
