“Nar Mobile” Ümumdünya Mobil Konqresində iştirak etdi

İQTİSADİYYAT
14:35 05.03.2015
2044
Mobil operator dünya telekommunikasiya şirkətləri ilə təcrübə mübadiləsi aparıb
“Nar Mobile” mobil operatorunun nümayəndə heyəti dünyanın aparıcı İKT şirkətləri, telekommunikasiya nəhəngləri və mobil operatorlarının qatıldığı Ümumdünya Mobil Konqresində (GSMA Mobile World Congress) iştirak edib. Mart ayının 2-də İspaniyanın Barselona şəhərində işə başlayan bu ənənəvi tədbirdə yeni bazar trendləri, texnologiya nailiyyətləri, çağdaş ideya və təşəbbüslər, mobil rabitənin gələcək perspektivləri kimi önəmli məsələlər ətrafında geniş fikir mübadiləsi aparılıb, interaktiv sessiyalar keçirilib, panellər və diskussiyalar təşkil edilib. Konqresə dünyanın İKT sahəsində fəaliyyət göstərən ən nəhəng şirkətlərinin rəhbərləri və baş icraçı direktorları da qatılmışdılar.
Tədbirdə aktiv iştirak edən “Nar Mobile” nümayəndələri digər konqress iştirakçıları ilə birlikdə geniş diskussiyalara qatılıb, təcrübə mübadiləsi aparıb, telekommunikasiya sahəsində tətbiq edilən yeniliklər və innovativ dəyişikliklər haqqında fikirlərini bölüşüblər. “Nar Mobile” təmsilçiləri Ümumdünya Mobil Konqresi çərçivəsində təşkil edilən mobil texnologiyalar sərgisində də iştirak ediblər. Qeyd edək ki, dünyanın müxtəlif ölkələrindən olan minlərlə qonağın qatıldığı dördgünlük mötəbər tədbirdə fərqli sessiyalar keçirilmişdir.
Azərbaycanın sürətlə inkişaf edən mobil operatoru “Nar Mobile” 2007-ci ildən etibarən abunəçilərinə xidmət göstərir. Fəaliyyət göstərdiyi illər ərzində “Nar Mobile” daima sərfəli qiymət siyasətinə sadiq qalaraq, müxtəlif tarif planları ilə abunəçilərinə ən sərfəli təkliflər təqdim etmiş və onların rəğbətini qazanmışdır. Münasib danışıq tarifləri ilə yanaşı, mobil operatorun fərqliliyi və sərfəliliyi ilə seçilən İnternet paketləri və abunəçilərin hər zona üzrə eyni qiymət ödədiyi sadə rouminq təklifləri xüsusilə qeyd olunmalıdır. “Nar Mobile” Bakı 2015 Avropa oyunlarının rəsmi mobil rabitə təminatçısıdır.

OXŞAR XƏBƏRLƏR