AZXEBER.COM xarici mediaya istinadən xəbər verir ki, britaniyalı tədqiqatçılar müəyyən ediblər ki, əsəbi və daim narahat olan insanlar ürək xəstəliklərinə meyilli olurlar.

Psixi sağlamlıq və ürək funksiyası arasındakı əlaqəni araşdırmaq üçün Londra Queen Mary Universitetinin rəhbərlik etdiyi bir qrup 36309 nəfərin ürək vəziyyətini araşdırıb.

"Nevrotiklik” kimi təsnif edilən şəxsiyyət xüsusiyyətləri – qeyri-sabit əhval-ruhiyyə, həddindən artıq narahatlıq, əsəbilik, özünüdərketmə və kədər kimi – şəxsiyyət anketindən istifadə etməklə qiymətləndirilib.

Tədqiqatçılar əldə etdikləri nəticələrə görə, nevrotik şəxsiyyət xüsusiyyətlərinə sahib olmanın aşağı LV (sol mədəciyin) kütləsi, zəif işləyən mədəciklər, daha yüksək miokard fibrozu və daha yüksək arterial sərtliyə malik olmaq ilə əlaqəli olduğunu tapıblar.