Fevralın 16-da Rusiyada saxlandığı həbsxanada dünyasını dəyişən müxalifət lideri Aleksey Navalninin ölümü ilə bağlı şübhələr davam edir.
AZXEBER.COM xarici mıətbuata istinadən xəbər verir ki, Rusiyalı siyasətçi Mariya Pevçix Navalninin ölümü ilə bağlı maraqlı iddia irəli sürüb.
Rusiyalı müxalif siyasətçi Mariya Pevçix Rusiya prezidenti Vladimir Putinin ən böyük rəqibi Aleksey Navalni həbsxanada ölməsə, Almaniyada saxlanılan rus kəşfiyyatçı Vadim Krasikovla dəyişdiriləcəyini iddia edib:
"Fevralın əvvəlində Putinə Berlində törətdiyi qətlə görə həbs edilən Krasikovun iki ABŞ vətəndaşı və Aleksey Navalni ilə dəyişdirilməsi təklif olundu. Fevralın 15-də danışıqların yekun mərhələsi baş tutdu. ABŞ və Alman rəsmiləri bunu təsdiqlədilər, lakin heç nə etmədilər”.
Pevçix həmçinin iddia edib ki, rusiyalı milyarder Roman Abramoviç Navalninin mübadilə təklifini Rusiya prezidenti Vladimir Putinə çatdırıb. Bununla belə, Pevçix Putinin Navalninin azadlıqda qalması fikrinə belə dözə bilməyəcəyini iddia edib və Navalninin mübadilə danışıqlarından sonra öldüyünə diqqət çəkib.
Gülay
