Qazaxıstan lideri bildirib ki,“gömrük üçlüyü” inamla Avrasiya İqtisadi Birliyinə doğru irəliləyir
Rusiya Federasiyası, Belarus və Qazaxıstanın yaratdığı Gömrük İttifaqı iki illik işi ərzində öz effektivliyini sübut edib. Bu barədə Qazaxıstan prezidenti Nursultan Nazarbayev bildirib. Qazaxıstan lideri bildirib ki, “gömrük üçlüyü” inamla Avrasiya İqtisadi Birliyinə doğru irəliləyir. Onun sözlərinə görə, Gömrük İttifaqının Yekatrinburq forumu çox uğurlu olub. Rusiya Federasiyası, Belarus və Qazaxıstanın 2015-ci ildə yaratmağı planlaşdırdığı Avrasiya İqtisadi Birliyi dövlətlərin daha sıx inteqrasiyasını nəzərdə tutur. Bu ölkələr hazrıda MDB ümumi daxili məhsulunun 85%-inə sahibdirlər.(asnpress)
