Fransanın sənaye naziri Erik Besson “Twitter”də özündən 29 yaş kiçik türk əsilli həyat yoldaşı Yasəmin Bessona göndərdiyi “Evə gəlirəm, yataqda görüşərik...” mesajını səhvən digər istifadəçilərlə paylaşıb.
ANS PRESS-in Türkiyə mətbuatına istinadən verdiyi məlumata görə, onun mesajı bir neçə dəqiqə içərisində 14 min adam tərəfindən oxunub.
Mesajı səhv göndərdiyini başa düşən nazir yazını silsə də, onun etdiyi səhv cavabsız qalmayıb. Ona dostları tərəfindən “Sizə xoş əyləncələr” kimi çoxlu cavab mesajlar gəlib. Dostları üçün üzrxahlıq mesajı yazan nazir “Bu mənə dərs olsun, bundan sonra “göndər” və “paylaş” düymələrini səhv salmaram. Artıq yuxum qaçdı, bu gecə yatağa girməyəcəyəm”, - deyə bildirib. Xatırladaq ki, ötən il Erik Besson 25 il birlikdə olduğu həyat yoldaşından ayrılaraq gənc sevgilisi Yasəmənlə evlənib.
