Azərbaycan Ermənistan konstitusiyasında dəyişikliyin vacibliyi ilə bağlı həm ikili danışıqlarda, həm də beynəlxalq instansiyalar vasitəsilə ortaya qoyduğu mövqeyinin əsaslı olduğunu dəfələrlə sübut edib.
AZXEBER.COM xəbər verir ki, bunu xarici işlər naziri Ceyhun Bayramov nazirliyin ilin yekunlarına dair hesabatının təqdimatı zamanı jurnalistlərin suallarını cavablandırarkən deyib.
Nazir bildirib ki, Azərbaycanın bununla bağlı mövqeyi reallığa əsaslanır:
"Ermənistanın bu dəyişikliyi necə edəcəyi onun öz daxili işidir. Burada bizim üçün əsas olan Ermənistan konstitusiyasında Müstəqillik Aktına olan istinaddır. Bu məsələ bizim üçün hələ də önəmli olaraq qalır. Bu dəyişiklik nə qədər tez olarsa, müsbət addımlara da bir o qədər tez təsir edər".
