"Fanatik" qəzetinin xəbərinə görə, "Qalatasaray"da uğursuz mövsüm keçirən qolkiper artıq özünə yeni klub axtarmağa başlayıb. Onunla maraqlananlar arasında "Neftçi" də var. Lakin Zapatanın Azərbaycan variantına o qədər də isti münasibət göstərmədiyi bildirilir. Türkiyədə qalmaq istəyən kolumbiyalının Super Liqa klublarından birinə transfer olmağa çalışdığı deyilir.
Qeyd edək ki, Zapata karyerası ərzində, Kolumbiyanın "Amerika de Kali", "Real Kartaqena", "Kukuta Deportivo", Türkiyənin "Kocaelispor", Argentinanın "İndependiente", "Belqrano" klublarında top qovub. O, yanvarda Buxarest "Styaua"sından "Qalatasaray"a keçib. Zapata 2007-ci ildən 3 dəfə Kolumbiya yığmasına çağırılıb.
