'Neftçi' çempionluğu atəşfəşanlıqla qeyd etdi - FOTOLAR

Bakının “Neftçi” komandası ötən tur futbol üzrə Topaz Premyer Liqasında çempionluğunu təmin edib. Topaz Premyer Liqasının sonuncu - XXXII turu çərçivəsində “Neftçi” komandası “Bakı”nı qəbul edib.Baş hakim Rauf Cabbarovun idarə etdiyi oyunun ilk hissəsində hesab açılmayıb. Fasilədən sonra – matçın 76-cı dəqiqəsində “Bakı”nın futbolçusu Lukas Mario Horvat topu rəqib qapısından keçirib.Beləliklə, oyun 1:0 hesabı ilə “Bakı” komandasının xeyrinə başa çatıb. Oyun başa çatdıqdan sonra Röya Ayxan konsert proqramı ilə futbol azarkeşlərinin qarşısında çıxış edib.Daha sonra mükafatlandırma mərasimi keçirilib. Mərasimdə AFFA-nın prezidenti Rövnəq Abdullayev, Peşəkar Futbol Liqasının prezidenti Ramin Musayev və AFFA-nın baş katibi Elxan Məmmədov iştirak ediblər.Tədbirdə “Qarabağ”a gümüş, “İnter” kollektivinə isə bürünc medallar verilib.Çempion “Neftçi”yə isə medallarla yanaşı, R.Abdullayev kubok təqdim edib.Sonda “Neftçi”nin qalibiyyəti şərəfinə atəşfəşanlıq təşkil olunub.