"Neftçi" transfer çalışmalarını davam etdirir.
AZXEBER.COM klubun saytına istinadən xəbər verir ki, gənc futbolçu Turan Vəlizadə ilə 3 illik müqavilə bağlanıb. 18 yaşlı mərkəz yarımmüdafiəçisi komandanın heyətində 33 nömrəli formanı geyinəcək.
"Əlincə"nin yetirməsi olan Turan Vəlizadə "Qarabağ" və "Fənərbağça" klubunun aşağı yaş qrupunda, eləcə də 16 və 17 yaşadək milli komandalarında çıxış edib. O, U-19 yığmamızın üzvüdür.
Qeyd edək ki, bunadək qvineyalı mərkəz yarımmüdafiəçisi Mamadu Kane ilə 3, seneqallı mərkəz müdafiəçisi Mamadu Mbodj ilə isə 2,5 illik müqavilə bağlanmışdı.
Xatırladaq ki, Turanın son klubu "Qarabağ" olub.
