'Neftçi'nin rəqibi kim olacaq?

Bu gün Çempionlar Liqasında III təsnifat mərhələsinin püşkatması keçiriləcək. Apasport.az saytının məlumatına görə, turnirin iştirakçıları II təsnifat mərhələsi bitməmiş növbəti potensial rəqiblərini biləcək. Bu, Bakı vaxtilə saat 15:00-da İsveçrənin Nyon şəhərində UEFA-nın mənzil-qərargahında gerçəkləşəcək. III mərhələdə oynayacaq 20 çempion və 10 çempion olmayan öz rəqiblərini biləcək. Birincilərin digərləri ilə üzləşməyəcəyi mərhələdə ümumilikdə 15 cüt olacaq. Çempion olmayanların cütlərini mübarizəyə birbaşa bu mərhələdən başlayanlar təşkil edəcək. Çempionların mübarizəsində isə 3 klub və 17 cüt püşkü gözləyir. Öz meydanında “Skenderbeu” ilə qolsuz heç-heçə edən “Neftçi”nin yer aldığı cüt səpələnməmişlər sırasındadır. Bakılılar Albaniyada mərhələ keçməyi bacarsa, səpələnənlərdən biri ilə düşəcək. Burada isə 3 güclü klubla yanaşı, 7 cüt, ümumilikdə 17 komanda var. Təmsilçimizin bəxtinə hansısa cüt düşəcəyi halda, onlar özləri mərhələ keçməli və həmin cütdə zəifə azarkeşlik etməlidir. Çempionlar Səpələnmişlər “Bazel” (İsveçrə) APOEL (Kipr) “Austriya” (Vyana, Avstriya) BATE (Belarus) – “Şaxtyor” (Qazaxıstan) cütünün qalibi “Styaua” (Rumıniya) – “Vardar” (Makedoniya) cütünün qalibi “Kliftovill” (Şimali İrlandiya) – “Seltik” (Şotlandiya) cütünün qalibi “Viktoriya” (Çexiya) – “Jelezniçar” (Bosniya və Herseqovina) cütünün qalibi “Fola” (Lüksemburq) – “Dinamo” (Xorvatiya) cütünün qalibi “Şirak” (Ermənistan) – “Partizan” (Serbiya) cütünün qalibi “Dinamo” (Gürcüstan) – “Streymur” (Farer adaları) cütünün qalibi Səpələnməmişlər “Şerif” (Moldova) – “Sutyeska” (Çernoqoriya) cütünün qalibi “Ekranas” (Litva) – “Hafnarfyordur” (İslandiya) cütünün qalibi “Birkirkara” (Malta) – “Maribor” (Sloveniya) cütünün qalibi HİK (Finlandiya) – “Nomme Kalyu” (Estoniya) cütünün qalibi “Neftçi” (Azərbaycan) – “Skenderbeu” (Albaniya) cütünün qalibi “Sliqo Rovers” (İrlandiya) – “Molde” (Norveç) cütünün qalibi “Elfsborq” (İsveç) – “Dauqava” (Latviya) cütünün qalibi TNS (Uels) – “Legiya” (Polşa) cütünün qalibi “Slovan” (Slovakiya) – “Ludoqorets” (Bolqarıstan) cütünün qalibi “Qyor” (Macarıstan) – “Makkabi” (Təl-Əviv, İsrail) cütünün qalibi Çempion olmayanlar Səpələnmişlər “Lion” (Fransa) “Zenit” (Rusiya) PSV (Hollandiya) “Metallist” (Ukrayna) “Fənərbaxça” (Türkiyə) Səpələnməmişlər PAOK (Yunanıstan) “Austriya” (Zalsburq, Avstriya) “Norsyelland” (Danimarka) “Qrasshoppers” (İsveçrə) “Sulte Varegem” (Belçika)