Mübariz İbrahimovu təhqir etməsi ilə gündəmə gələn "psixoloq" olduğu deyilən Nərmin Şahmarzadə adlı gənc Milli Qəhrəmanın valideynlərindən üzr istəyib.
AZXEBER.COM xəbər verir ki, o, sosial şəbəkə hesabında canlı yayım edərək açıqlama yayıb. Şəhidi təhqir etmədiyini, onun fikirlərinin təhrif olunmuş formada yayıldığını söyləyən Nərmin Mübariz İbrahimovun ailəsindən də üzr istəyib:
"Əgər bu xəbər onun valideynlərini incidibsə, pis təsir edibsə, şəxsim adına sırf Mübariz İbrahimovun valideynlərindən üzr istəyirəm. Çünki onlara çatdırılan məlumat təhrif olunub. Mən "qatil” sözü işlətməmişəm”.
