İsrail girovlarla bağlı razılaşmanın bir hissəsi kimi Qəzza zolağında müvəqqəti atəşkəsi qəbul etməyə hazır olacaq.
Bunu İsrailin Baş naziri Benyamin Netanyahu keçirdiyi mətbuat konfransında deyib.
Baş nazirin sözlərinə görə, radikallar əllərində olan bütün girovları azad etsələr, anklav tamamilə silahsızlaşdırılsa və HƏMAS hərəkatı zolağın ərazisini tərk etsə, İsrail Qəzzada müharibəni dayandırmağa hazır olacaq.
Netanyahu əlavə edib ki, İsrail Ordusu "Gideon arabaları” əməliyyatı başa çatdıqdan sonra Qəzza zolağının bütün hissələrinə nəzarət edəcək. Onun sözlərinə görə, İsrail bu məqsədə çatmaq üçün Fələstin anklavında humanitar böhranı həll etməklə fəaliyyət azadlığını qoruyub saxlamalıdır.
/report
