"Avroviziya-2011"in qalibi Nigar Camalın qızı Jasmin İngiltərənin "Çelsi" klubunun qadınlardan ibarət komandasına düşmək niyyətindədir.
AZXEBER.COM xəbər verir ki, bu barədə Nigar Camal Sputnik Azərbaycan-a bildirib.
Müğənninin qızı uzun müddətdir ki, peşəkar futbolla məşğul olur. Hazırda o, "Tottenhem"in qızlardan ibarət komandasında oynayır.
ƏTRAFLI
nar.az
"O, uşaqlıqdan futbolu sevir, ona görə də biz, onu bu idman növünə yönəltməyə qərar verdik. Jasminin indi 14 yaşı var. Biz həm futbolla məşğul olması, həm də təhsil alması üçün ona hər bir şəraiti yaradırıq. O, çox çalışır və gələcəkdə "Çelsi" klubunun futbolçusu olmaq istəyir", - N.Camal deyib.
Nigar Camal 2011-ci ildə keçirilən "Avroviziya" müsabiqəsindəki qələbəsindən sonra məşhurlaşıb və hazırda yaradıcılığa davam edir. O, filmdə də çəkilib, hazırda isə yeni layihələr üzərində çalışır.
Həyat yoldaşından boşanan müğənninin iki qızı var. Onlar ataları ilə Londonda yaşayırlar. Nigar Camal vaxtını onlarla keçirmək üçün tez-tez Londona uçur.
