Nyu-Yorkda məktəblərin birində güclü partlayış baş verib.
ANS PRESS-in məlumatına görə, ABŞ-ın Nyu York ştatının Bronks rayonunda yerləşən təhsil müəssisəsinin 6-cı mərtəbəsində partlayış qeydə alınıb. Nəticədə 3 nəfər yaralanıb. Yaralıları dərhal xəstəxanaya çatdırıblar. Onlardan birinin vəziyyəti ağır kimi qiymətləndirilir.
İlkin məlumata əsasən, məktəbin laboratoriyalarında təmir-tikinti işləri aparılıb. Ona görə, zərərçəkənlərin hamısı binada işləyən fəhlələr olub. Hadisə nəticəsində binaya ciddi zərər dəyib. İlkin versiyaya görə, partlayış qaz sızması nəticəsində baş verib.
