“O, uşaq qatilidir və vaxt gələcək cinayətkar kimi beynəlxalq məhkəmə önündə cavab verməli olacaq"

Azərbaycan Müdafiə Nazirliyi Ermənistan prezidenti Serj Sarkisyanın Avropa Şurası Parlament Assambleyasında çıxışı zamanı Azərbaycana qarşı səsləndirdiyi ittihamlarla bağlı bəyanat yayıb. Nazirliyin mətbuat xidmətinin rəhbəri Eldar Sabiroğlu Serj Sarkisyanı özünün və cinayətkar komandasının əməllərini ört-basdır etməkdə ittiham edib:

“O, uşaq qatilidir və vaxt gələcək cinayətkar kimi beynəlxalq məhkəmə önündə cavab verməli olacaq. Xocalıda yüzlərlə insanı qətlə yetirən bu adamın faciədən necə lovğalanmasını, hətta həyasızcasına müsahibə verərək “bununla Azərbaycana dərs vermək istədik” deyə sərsəm fikirləri bu gün də kimsənin yadından çıxmayıb". (anspress)