"Dünya üzrə ən prestijli texnoloji intellektual yarışmalardan biri olan ICPC Dünya Finalı Bakıda yekunlaşdı.
ICPC - Beynəlxalq Universitetlərarası Proqramlaşdırma üzrə Müsabiqə dünyanın ən nüfuzlu, ən rəqabətli, dünyanın texnoloji şirkətlərinin ən çox diqqətində olan bir yarışmadır.
Yarışda Azərbaycanı iki komanda, Bakı Ali Neft Məktəbi (BANM) və ADA komandaları təmsil edib.
Finalln yekun nəticələrinə əsasən, komandalarımızı uğurlu çıxışlarına görə ürəkdən təbrik edirəm".
AZXEBER.COM xəbər verir ki, bu sözləri Bakı Ali Neft Məktəbinin (BANM) rektoru Elmar Qasımov bildirib.
O yarış haqda fikirləini bölüşüb:
"Dünyanın top 100-də olan Universitetlərlə rəqabət aparan gənc Universitetlərimiz üçün bu həm ilk təcrübə və həm də gələcək yarışlar üçün bir motivasiya oldu.
Bu finalı nə üçün uğulu hesab etmək olar bizim komandalar üçün?
Dünyanın ən tanınmış, ən güclü universitetlərinin komandaları arasında amansız mübarizə gedib.
Ən güclü universitetlər belə mükafat qazana bilməyiblər.
Siz təsvir edin ki, 12 sualın cavabını heç bir komanda yaza bilmədi. 1 -ci yerə çıxan 4 komandadan yalnız 1-i 11 suala cavab yaza bildi.
Bəli biz 5 suala cavab yazmışıq. Ancaq gümüş medal qazanan və dünyanın 1 nömrəli Universiteti olan Massaçusets Texnoloji İnstitutunun komandası 9 suala cavab tapdılar. Maraqlısı odur ki, Massaçusets Texnoloji İnstitutunun komandasının 3 üzvünün ikisi rus və biri çinli idi. Bizim komandalarda isə bir əcnəbi vətəndaş yox idi.
Ümumiyyətlə, Amerika və Avropa Un-nin komandalarının əksəriyyətində komanda üzvlərinin əsasını çinlilər təşkil edirdi.
Mən təbii ki, bir neçə gün ərzində həmin final iştirakçıları ilə çoxsaylı görüşlər keçirərək güclü və zəif tərəflərimizi aydınlaşdırmağa çalışdım. Burada iştirak edən iştirakçıların əksəriyyəti proqramlaşdırma ilə Universitetlərdə deyil, çox kiçik yaşlarından (4-5 ci siniflərdən) ciddi surətdə məşğul olurlar.
Saysız hesabsız olimipiadalarda iştirak edirlər.
ABŞ, Çin, Yaponiya, Koreya, Sinqapur kimi ölkələrin Texnoloji şirkətlərinin Universitetlərə dəstəyini də unutmaq lazım deyil.
Bu Universitetlərin yaşı, təcrübələri, akademik heyəti və büdcələri müqayisə olunmazdır.
14 yaşını qeyd etməyə hazırlaşan BANM üçün isə bu ilk yarış idi.
Rektor deyib ki, BANM həvəsləndirici mükafata layiq görülüb: "Biz həvəsləndirici mükafata layiq görüldük. Mən öz komandamızı və yalnız öz Azərbaycanlılarımızdan ibarət olan tələbələrimizi ürəkdən təbrik edirəm. Nəhəng Universitetlərlə rəqabət aparmaq və qalib gəlmək istəyinizə görə əhsən deyirəm. Eyni zamanda ADA Universitetinin komandasına da təbriklərimi çatdırıram. Gələcəkdə qazandığlmız təcrübəni nəzərə almaqla daha böyük uğurlara imza atmağımıza əminəm.
İCPC2025 qızıl, gümüş və bürünc medalları isə əsasən Çin, Rusiya, Yaponiya, ABŞ komandaları qazandılar".
