15 il əvvəl qətl törətməkdə təqsirləndirilən Həsrət Əliyev və onun gəlini Yeganə Ərəbova barələrində olan hökmdən apellyasiya şikayəti veriblər.
Qaynata və gəlin barələrində bəraət hökmünün çıxarılması barədə apellyasiya şikayəti ilə Sumqayıt Apellyasiya Məhkəməsinə müraciət ediblər. Yaxın günlərdə adıçəkilən şəxslərin şikayətinə baxılacaq.
Qeyd edək ki, Quba rayon sakini, 1976-cı il təvəllüdlü Ərəbova Yeganə Mayıl qızı və onun qayınatası Həsrət Əliyev ötən il həbs olunublar. İttihama görə, Həsrət Əliyev gəlini ilə birgə 2001-ci ildə oğlu Elman Əliyevi qətlə yetirərək, doğrayıblar və yaşadıqları evin həyətindəki ayaqyolu quyusuna atıblar.
H.Əliyevin 85 yaşı var.
Bakı Ağır Cinayətlər Məhkəməsinin hökmü ilə H.Əliyev 14 il, Y.Ərəbova isə 13 il müddətinə azadlıqdan məhrum ediliblər.
///virtualaz.org-
