“Böyük səhv eləyib barəmdə fikir bildirib”.
ANS TV-nin "Günə Baxan" verilişində müğənni Xatirə İslam və DJ Çina (Çingiz Mustafayev) arasında qalmaqal yaşanıb.
AZXEBER.COM - un ANS PRESS-ə istinadla məlumatına görə, Elgiz Əkbərin aparıcısı olduğu verilişdə Xatirə İslam əsəbi halda DJ-ə irad bildirib və ikilinin arasında yaşanan anlaşılmazlıq mübahisə həddinə çatıb.
Ötən həftənin cümə günü yatıb qaldığı üçün verilişə gələ bilməyən ifaçı həmin efirdə DJ Çinanın onun barəsində xoşagəlməz fikirlər səsləndirdiyini bildirib:
“Əvvəla, Çina ilə bizim yaxın münasibətimiz yoxdur və məni yaxşı tanımır. Ona görə də böyük səhv eləyib barəmdə fikir bildirib. İkincisi də, Çina “Maşın” realiti-şounun təşkilatçılarındandır, onun mövqe bildirmək ixtiyarı yoxdur. Murad müəllim heç kimə mövqe bildirməyə icazə vermir”.
Təəccüblə Xatirəni dinləyən Çingiz, etirazını bildirmək istəsə də, ifaçı ona ağzını açmağa imkan verməyib. Vəziyyətin gərginləşdiyini görən Elgiz Əkbər reklam arası elan edib.
Reklamdan sonra DJ məyus və əsəbi halda bu sözləri deyə bilib.
“Ən azından mənim bu kanalın rəhbərliyinə, Murad Dadaşova hörmətim var. Heç vaxt ANS-in efirində, ən əsası da işçisi, əməkdaşı olduğum verilişdə ağzıma gələni danışmaram.
Bu söhbətlərdən Murad Dadaşovun xəbəri yoxdur. Mən sizin adınızı efirdə çəkməmişəm, sizin haqqınızda heç bir fikir səsləndirməmişəm. Sizə yanlış məlumat veriblər. Əgər inanmırsızsa, verilişin kadrlarını izləyə bilərsiz. İkincisi də mən bir xanım barəsində pis söz danışmaram. Onda mən kişi deyiləm də...”.
Bütün bu mübahisələrin nəticəsində məlum olub ki, DJ Çinanın efirdə səsləndirdiyi fikirlər təhrif olunaraq Xatirəyə çatdırılıb.