Venesuela Prezidenti Nikolas Maduro ABŞ-nin narkokartellərlə mübarizə üçün Venesuelaya hərbi gəmilər göndərdiyini açıqlayıb.
AZXEBER.COM Qərb mətbuatına istinadən xəbər verir ki, Maduro bunu Karakasda tələbələrlə görüşü zamanı deyib.
Trampın ailəsinə müraciət edən Maduro Trampın qatilə çevriləcəyini bildirib:
"Onlar Trampın əllərini qana boyamaq istəyirlər. Ağ Evi kimin idarə etdiyini soruşsanız, bu (ABŞ dövlət katibi) Marko Rubiodur, Mayami mafiyasıdır".
Maduro hərbi gəmilər göndərməklə ABŞ-nin əsl niyyətini bildiyini qeyd edib:
"Niyə gəldiklərini bilirsiniz. Onlar Venesuela neftini pulsuz ələ keçirmək və ölkənin əsas qaz ehtiyatlarına nəzarət etmək istəyirlər. Amma buradan paytaxt Karakasın küçələrindən, oxuduğum universitetdən sizə (ABŞ-a) müraciət edirəm: Sülh, suverenlik, müstəqillik olacaq".
Maduro ABŞ-nin hər dəfə bir hekayə uyduraraq Venesuelaya soxulduğunu bildirib:
"Onlar hər dəfə bir hekayə uydururlar, amma biz onların əsl niyyətlərini bilirik. Bu neft ehtiyatları Maduroya aid deyil, qrinqolara (ABŞ) də aid deyil. O neft uşaqlara, gənclərə və bütün Venesuela xalqına məxsusdur. Mən buradan ABŞ gənclərinə müraciət edirəm: Ölkənin büdcəsi müharibəyə, işğala, insanların öldürülməsinə xərclənmir".
Qeyd edək ki, avqustun 28-də Trampın göstərişi ilə Venesuela sahillərindəki Karib hövzəsinə göndərilən sualtı və 7 döyüş gəmisindən ibarət dəniz qrupunun bölgəyə yola düşdüyü bildirilib.
Mikayıl
