Eldar Namazovun bütün fikirləri cəfəngiyyatdır. Həm də açıq-açığına sərgilənən, gözlə görünən bir cəfəngiyyat!
Oysa ki, bu cür məktəb variantlarına, təkəbbür nümunələrinə, hallusinasiyalara qətiyyən ehtiyac yoxdur.Nə onun özü, nə də rəhbərlik etdiyi qurum türkün sözü kimsənin “umurunda” deyil. İstəyir 3 mərtəbəli villada otursun, istəmir 5 mərtəbəlidə. Yetər ki, tək bir həqiqəti aqressiv beyninə əxz edəcək duruma gəlsin: Bu ölkədə siyasi prosesləri ofis sayı deyil, insan sayı müəyyən edir. Xalqın iradəsini nə villa reklamları ilə formalaşdırmaq mümkündür, nə də saxta demokratiya şüarları ilə.AZXEBER.COM xəbər verir ki, bu fikirləri politoloq Elşən Musayev “EL” hərəkatının həmtəsisçisi Eldar Namazovun Azərbaycan hakimiyyətinin ünvanına səsləndirdiyi sərt ifadələrə cavab olaraq bildirib. Partiya sədri daha sonra bunları əlavə edib:“Eldar Namazov unutmasın ki, onu yetişdirən, bu günlərə gətirən həmin o üzərinə hədyanlar yağdırdığı hakimiyyətdir. Ömrünün sonuna qədər hər şeyini borclu olduğu insanlardır. Vaxtilə qapılarından, otaqlarından 90 dərəcəlik bucaq altında əyilərək keçdiyi məmurlardır.İndi xəttini, amalını, məfkurəsini necə dəyişib-nə zaman dəyişib özü bilər, şəxsi işidir. Amma hər şeyin bir həddi olduğunu, siyasi proseslərdə ən azından keçmişə, ələlxüsus da öz keşmişinə nəzərən bəlli bir xətti gözləmək gərəkdiyini də hər zaman nəzərində saxlasın.Ayrıca, digər çox önəmli məsələlərdən biri də Rüstəm İbrahimbəyovu tapıb ortaya çıxarmaqdır. Adam yerli-dibli qeyb olub sanki. Gördüm deyən də yoxdur. Eldar Namazovun üzərindəki reneqat ruhun, xislətin özündə ehtiva etdiyi ən böyük missiyalardan biri də, məhz bu adamı “bişim-bişim”lə tovlayıb yenidən ölkəyə qaytarmaq və növbəti fiaskolara sürükləməkdən ibarətdir. Necə deyərlər “tək əldən səs çıxmaz”. Ələlxüsus da, əgər o tək əl kimlərinsə cibindəysə...”
