"Həyatda heç nə qarşılıqsız deyil. Sevin ki, seviləsiniz".
AZXEBER.COM xəbər verir ki, bu sözləri müğənni Sevda Yahyayeva deyib.
"Qonaqcanlı" verilişində qonaq olan sənətçi ailəsindən danışaraq xoşbəxt olduğunu etiraf edib:
"Mən ailəmin olmasını hər zaman arzu etmişəm, bunu ürəkdən istəmişəm. Həyatda heç nə qarşılıqsız olmur. Sevgi verməlisən ki, onu da alasan. Çox xoşbəxtəm və bunu bütün qadınlara arzulayıram. Allaha çox şükür ki, bu gün ailəm var və mən çox xoşbəxtəm. Həyatım dəyişib, sevinclə dolub.
Uşaqlar həftə sonu harasa gedirlər, baxırsan ki, evdə hər yer təmizdir, sakitçilikdir. Hər şey çox sıxıcıdır. Onlarla həyat çox maraqlıdır. Fikirləşirəm ki, onlar olmadan bu qədər zaman necə yaşamışam? Arzulayıram ki, övladlarım xoşbəxt, sağlam böyüsün. İstərdim ki, heç olmasa biri həkim olsun".
Aysel
