Azərbaycanın qadın güləşçisi Mariya Stadnik Fransanın paytaxtı Parisdə keçirilən Yay Olimpiya Oyunlarında növbəti görüşünə çıxıb.
50 kq çəki dərəcəsində yer alan idmançı 1/4 final mərhələsində Monqolustan təmsilçisi Otqonjarqal Dolqorjavla üz-üzə gəlib.
Stadnik rəqibinə 3:4 hesabı ilə uduzub. Dolqorjav finala vəsiqə qazansa, Stadnik təsəlliverici qarşılaşmaya çıxacaq.
Qeyd edək ki, Paris-2024 avqustun 11-də başa çatacaq.
14.38
Bu gün qadın güləşçilərin mübarizəsində Azərbaycanın yeganə təmsilçisi olan Mariya Stadnik ilk görüşünə çıxıb.
AZXEBER.COM xəbər verir ki, o, 1/8 finalda almaniyalı Anastasiya Blayvasla üz-üzə gəlib.
Bu, Stadnikin karyerasında 5-ci olimpiadadır.
