Cari mövsümün sonunda İtaliya "Yuventus"undan ayrılacağı dəqiqləşən argentinalı futbolçu Paulo Dibalanın yeni klubu bəlli olub.
AZXEBER.COM xəbər verir ki, 29 yaşlı hücumçu "İnter"lə anlaşıb.
Təcrübəli forvard yayda Milan təmsilçisi ilə 4 illik müqavilə bağlayacaq. O, yeni komandasına azad agent kimi keçəcək.
Qeyd edək ki, Paulo Dibala bu mövsüm "Yuventus"un heyətində 35 oyun keçirib. Futbolçu bu görüşlərdə 14 qol və 6 məhsuldar ötürmə ilə yadda qalıb.
