Çinin paytaxtı Pekində güclü yağış gözlənilməsi ilə əlaqədar 2-ci səviyyəli daşqın fövqəladə vəziyyət planı qüvvəyə minib.
AZXEBER.COM Çin mətbuatına istinadən xəbər verir ki, Dolphin tayfununun gətirdiyi güclü yağışlar ölkənin bir sıra bölgələrində təsirini davam etdirir. Pekinin əksər ərazilərində 6 saat ərzində 100 millimetrdən, 24 saat ərzində isə 150 millimetrdən çox yağıntı düşəcəyi proqnozlaşdırılır.
Səlahiyyətli qurumlar daşqın təhlükəsinə qarşı drenaj avadanlıqları və qoruyucu baryerlər hazırlayıb. Riskli ərazilərdə yaşayan sakinlərin isə təhlükəsiz yerlərə təxliyəsi həyata keçirilir.
Qeyd edək ki, tayfunun təsirinin zəifləməsinə baxmayaraq, Çinin şərq və mərkəzi bölgələrində güclü yağış və küləklər davam edir. Daha əvvəl Cıciyan, Şanxay və Fucien əyalətlərində 1 milyondan çox insan təhlükəsiz ərazilərə yerləşdirilmişdi.
Gülay
