Gün.Az-ın RİA Novosti-yə istinadən verdiyi xəbərə görə, polis təlimçinin xəstəxanada həyatını itirdiyini bildirib.
Hadisə Etçoxoa şəhərində sirk nümayişi zamanı baş verib. İki pələnglə bir yerdə səhnəyə çıxan təlimçi Aleksandr Krispin gözlənilmədən pələnglərdən birinin hücumuna məruz qalıb. Digər təlimçilərin zərbələrlə pələngi qovmaq cəhdlərinə baxmayaraq, Krispini pələngin pəncələrindən almaq mümkün olmayıb. 35 yaşlı Aleksandr Krispin xəstəxanaya gətirilib, ancaq həkimlər onun həyatını xilas edə bilməyib.
