Pakistanın xüsusi məhkəməsi ölkənin sabiq Prezidenti Pərviz Müşərrəf haqqında edam hökmü elan edib.
AZXEBER.COM-un "Qafqazinfo”ya istinadən verdiyi xəbərə görə, bu barədə "Dawn” qəzeti məlumat yayıb.
Hökm Pişəvər Ali Məhkəməsinin rəhbəri Vakar Əhməd Sethin sədrliyi ilə üç hakimdən ibarət hakimlər kollegiyası tərəfindən verilib.
"Pərviz Müşərrəf Pakistan Konstitusiyasının 6-cı maddəsinə uyğun olaraq dövlətə xəyanətdə təqsirli bilinib”, - deyə Vakar Əhməd Seth məhkəmə iclasında bildirib.
Xatırladaq ki, P. Müşərrəf 2001-2008-ci illərdə Pakistan Prezidenti olub.
