İran Prezidenti Məsud Pezeşkian ölkənin paytaxtının Tehrandan Fars körfəzi sahillərinə köçürülməsi planları üzərində işə başladıqlarını açıqlayıb.
AZXEBER.COM xarici mediaya istinadən xəbər verir ki, Pezeşkian bunu dünən Hatəmül Ənbiya Qərargahına səfəri zamanı gündəmə gətirib.
Tehranın paytaxt kimi qalması bəzi səbəblərdən, xüsusilə də iqtisadi səbəblərdən qeyri-mümkün hala gəldiyini düşündüyünü dilə gətirən İran prezidenti bunları deyib:
"Tehran həll olunmaz problemlərlə üzləşib. Ona görə də ölkənin iqtisadi və siyasi mərkəzini cənuba, dənizə yaxın yerə köçürməliyik. Onu daşımaqdan başqa çarəmiz yoxdur. Bu məsələyə məhəl qoymamaq gələcəkdə ölkənin ekoloji böhran və bir çox başqa problemlərlə üzləşməsinə səbəb ola bilər”.
Təxminən 20 milyon əhalisi olan İranın paytaxtının Tehrandan başqa şəhərə köçürülməsi planı ilk dəfə 2013-cü il dekabrın 25-də 290 yerlik parlamentdə 110 deputatın səsi ilə qəbul edilib.
Plan çərçivəsində yaradılan şura paytaxt üçün ən yaxşı alternativin harada olacağı ilə bağlı araşdırmalara başlasa da məsələ ilə bağlı indiyədək heç bir ciddi addım atılmayıb.
Cəmalə
