2 ildən artıqdır ki, koronavirusla mübarizə aparan dünya Pfizer və Moderna şirkətlərinin verdiyi qərardan danışır. Peyvənddən sonra problem yaşadığını iddia edən xəstələr üçün iki şirkət şok addım atıb.
AZXEBER.COM xarici mediaya istinadən xəbər verir ki, 2019-cu ilin son aylarında həyatımıza daxil olan Koronavirus (Kovid-19) bütün dünyada milyonlarla insanın həyatına son qoyub.
Bir çox vərdişlərimizi geridə qoymağımıza səbəb olan virus, belə demək mümkünsə, qabığını dəyişməyə davam edir.
Daha yoluxucu, lakin daha az öldürücü olan Omicron variantından sonra bir çox ölkə istirahətə qərar verərkən, dünya Pfizer və Moderna tərəfindən qəbul edilən qərardan danışır.
İngilis Daily Mail-də çıxan xəbərə görə, Moderna və Pfizer peyvəndlərin uzunmüddətli problemlərə səbəb olub-olmadığını araşdıracaq. Bu çərçivədə şirkətlər peyvəndlərdən mənfi təsirləndiyini iddia edən insanları müayinə edəcək. Bu yolla şirkətlər peyvəndin hər hansı mənfi təsirinin olub olmadığını müəyyən etməyi və müzakirələrə son qoymağı hədəfləyir.
Digər tərəfdən, ölkənin epidemiya ilə bağlı ən nüfuzlu qurumu olaraq göstərilən ABŞ Xəstəliklərə Nəzarət və Qarşısının Alınması Mərkəzlərinin (CDC) dərc etdiyi məlumatlar peyvənd müzakirələrinə son qoyub. CDC son hesabatı ilə vaksinin xalis faydasını bir daha ortaya çıxarıb. CDC peyvənd olunmayan insanların koronavirusdan ölmə ehtimalının 9 dəfə çox olduğunu açıqlayıb.
Johnson peyvəndi tədqiq edildikdə, hər 100 min nəfərə 0,23 ölüm qeydə alınıb. Peyvənd olunmayan və ya gücləndirici dozası olmayanlarda bu nisbət 1,6 olub. Bu araşdırma ilə peyvənd əleyhdarlarının peyvəndlərin ölümlərin qarşısının alınmasında heç bir təsiri olmadığı iddiası təkzib olundu.
İngiltərənin qabaqcıl təhsil ocaqlarından biri olan Oksford Universitetində aparılan araşdırma ilə 'Bəzi insanlar niyə Covid almır' sualına cavab tapılıb. Britaniyalı tədqiqatçılar müəyyən mutasiyaya malik insanların peyvənd olunduqdan sonra daha çox antikor reaksiyası meydana gətirdiyi qənaətinə gəliblər. Daily Mail-in araşdırma nəticələrindən topladığı xəbərə görə, hər 10 adamdan 3-də HLA-DQB1*06 kimi tanınan gen var və sözügedən gen Covid vaksinlərindən sonra insanlarda daha çox antikor istehsalına səbəb olur. Başqa sözlə desək, bu geni daşıyan insanlar peyvənddən sonra daha intensiv müdafiəyə malik olduqları üçün virusa yoluxma ehtimalı azdır.
Mikayıl
