ABŞ-ın Florida ştatında gecə vaxtı "Pokemon Go" oynayan iki yeniyetməyə atəş açılıb.
AZXEBER.COM publika.az-a istinadən bildirir ki, ev sahibi onları səhvən oğru hesab edib. Ev sahibi deyib ki, o, yeniyetmələrdən dayanmalarını istəsə də, onlar avtomobili dayandırmayıb.
Kişi deyir ki, o, əvvəlcə "nəsə tapdın?" deyə sual eşidib.
Yeniyetmələrin valideynləri polisə bildirib ki, güllə avtomobilin təkərini dəlib.
Valideynlər deyiblər ki, yeniyetmələr kişinin onları vurduğunu anlamayıb, elə sanıblar ki, kişi onları qorxudur.
Florida polisi bundan sonra "Pokemon Go" oynayanlar üçün təhlükəsizlik qaydalarını açıqlayıb.
