Bakı şəhər Dövlət Yol Polisi İdarəsinin xidməti avtomobili qəzaya uğrayıb.
Bakı şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi Vaqif Əsədov bazar ertəsi Trend-ə bildirib ki, Heydər Əliyev prospektində 23-cü polis bölməsinin qarşısında hərəkəti nizamlamaq üçün yolun kənarında dayanan BŞDYPİ-nin xüsusi müşayiət bölüyünün komandiri Cəmşid Hənifəyevin də içərisində olduğu xidməti avtomobilə şəhər istiqamətində hərəkət edən "Volkswagen" markalı avtomobil çırpılıb.
Əsədov qeyd edib ki, hazırda faktla bağlı təhqiqat aparılır.
