O sözlərinə görə, yeni Konstitusiya deklarasiyası noyabrın 22-də qəbul olunan sənədi ləğv edir. Yeni deklarasiyaya əsasən ölkənin Əsas Qanunu referendumda qəbul olunmadığı təqdirdə üç ay ərzində yeni Konstitusiya komissiyası təşkil olunur. Bu komissiya 6 ay ərzində yeni Konstitusiya hazırlayır. Bu deklarasiyaya qarşı əvvəlki kimi, heç bir məhkəmə instansiyasında şikayət vermək mümkün olmayacaq. Konstitusiya ilə bağlı referendumun dekabrın 15-də keçirilməsi qərarı da qüvvədə qalıb.

Qeyd edək ki, Mursinin noyabrın 22-də bəyan etdiyi Konstitusiya deklarasiyası prezidentə müstəsna qanunverici səlahiyyətlərin verilməsini, məhkəmələrin isə yeni Konstitusiyanı hazırlayan Məsləhətçi Şura və Konstitusiya komissiyası üzərində nəzarət funksiyası ləğv olunmasını nəzərdə tuturdu.

Misirin demokratik qüvvələri Konstitusiya deklarasiyasını ölkədə çevriliş kimi qiymətləndirərək onun ləğv olunmasını tələb ediblər.

Əsas müxalifət qüvvələri noyabrın 22-də qəbul olunan Konstitusiya deklarasiyasının tamamilə ləğv olunmayana qədər prezident Mursi ilə danışıqlara getməyəcəklərini bəyan ediblər. Onlar bildiriblər ki, Mursi ilə daşıqlarda “küçə etirazları ilə heç bir əlaqəsi olmayan ikinci dərəcəli siyasi təşkilatlar iştirak edib”. //APA