Sentyabrın 5-də Prezident İlham Əliyev Lənkəranda Gənclər Mərkəzinin açılışında iştirak edib.

AZXEBER.COM-un məlumatına görə, Prezident İlham Əliyev yeni mərkəzdə cənub regionun ali məktəblərə builki qəbul imtahanlarında yüksək bal toplamış gəncləri ilə görüşüb.

Prezidentlə görüşdə iştirak edən tələbələr görüş haqda təəsüratlarını AZXEBER.COM-un əməkdaşıyla bölüşüblər.

Bu il 685 balla Bakı Dövlət Universitetinə daxil olan Mehdiyev Nadir Bilal oğlu :

“Cənab prezidentlə görüşdüyüm üçün çox sevinirəm. Cənab prezident bizə çox diqqətli yanaşdı və bizə öz tövsiyyələrini verdi. Doğurdan da, bu görüş mənim üçün çox böyük önəm daşıyır. Cənab Prezidentin Azərbaycan gəncliyi qarşısında qoyduğu məqsəd və vəzifələr bizim hər birimizin həyat prinsipinə çevrilməlidir. Bu görüşdə mən əmin oldum ki, Cənab Prezident olduqca təcrübəli siyasətçi, böyük dövlət xadimi olmaqla yanaşı həm də çox sadə və təvözəkar insandır”.

681 balla Azərbaycan Dövlət Tibb Universitetinə daxil olan Şıxəliyev Yunis Azər oğlu :

“Cənab prezident biz gənclərlə görüş zamanı öz mühüm tövsiyyələrini verdi. Çox sevinirəm ki, ölkə başçısı gənclərə öz diqqət və qayğısını heç vaxt əsirgəməyib. İnşallah, gələcəkdə daha yaxşı təhsil alıb öz dövlətimə lazımlı bir vətəndaş ola biləcəm. Bunun üçün bu gün bizim ölkəmizdə hər cür şərait var. Çox istəyirəm ki, gələcəkdə xaricdə təhsil alım”.

685 balla Qafqaz Universitetinə daxil olan Kazımlı Mirəşrəf Samir oğlu :

“Hər bir gənc kimi mən də cənab prezidentlə görüşdüyüm üçün çox xoşbəxtəm. Hesab edirəm ki, xalqın özünə lider seçdiyi prezidentlə bir arada olmaq, onun fikir və tövsiyələrini eşitmək, gələcəyə doğru ilk addımlarını atan hər bir gəncin həyatı şans və təcrübədir. Mən bir Azərbaycan gənci kimi ölkəmizdə gəncliyin inkişafı üçün yaradılan şəraitdən Azərbaycana faydala bir vətəndaş kimi yetişmək məqsədilə maksimum şəkildə yararlanmağa çalışam" 

AZXEBER.COM