İctimai Televiziyada (İTV) 9 oktyabr prezidnet seçkiləri çərçivəsində ilk teledebat keçirilib.

AZXEBER.COM xəbər verir ki, prezidentliyə iddialıların ilk televiziya çıxışlarında müxtəlif qarşılıqlı ittihamlar səsləndirilib. Debatda ilk çıxış edən prezidentliyə namizəd Zahid Oruc dövlətçilik məfhumu və ölkənin siyasi qüvvələrinin dövlətin möhkəmlənməsində roluna toxunub. Bu zaman diqqəti müxalifətin faydalı işlə məşğul olmadığına yönəldən Z.Oruc əks düşərgə mənsublarını tənqid edib. Prezidentiyə namizəd İlham Əliyevin səlahiyyətli nümayəndəsi Əli Əhmədov hakim partiyanın bu prezidnet seçkilərinə “İlhamla irəli” şüarı ilə qatıldığını vurğulayıb. Bu şüarın 2008-ci ildə uğur gətirdiyini xatırladan Ə.Əhmədov qeyd olunan səbəbdən, 2013 seçkilərində də eyni şüardan istifadə etdiklərini deyib. YAP rəsmisi Azərbaycan xalqının müdrik qərarlar vermək imkanında olduğunu deyib. Ə.Əhmədov prezidentliyə namizəd C.Həsənlini əsassız ittihamlar irəli sürməkdə günahlandırıb. Prezidentliyə namizəd İqbal Ağazadə 5 il əvvəl eyni statusda olaraq, etdiyi müraciətini xatırladaraq, ölkədə ciddi dəyişikliyin olmadığını deyərək, hakimiyyəti tənqid edib. Növbəti çıxışçı, prezidentliyə namizəd İlyas İsmayılovun səlahiyyətli nümayəndəsi Mütəıllim Rəhimov president seçkilərinə əsas məqsədlərinin özlərinin timsalında yeni qüvvəni seçilərə təqdim etmək olduğunu deyib. Prezidentliyə namizəd Fərəc Quliyevin çıxışında əsas diqqət çəkən məqam Azərbaycan Neft Fondunun xaricdə saxlanılan vəsaitlərinin ölkəyə qaytarılması təklifi oldu. F.Quliyev ölkəni yaxşı mənada dəyişməkda maraqlı olduqlarını deyib. O, hər hansi siyasi qüvvənin hakimiyyətə gəlişinin xalqın iradəsindən asılı olduğunu bildirib. Prezidentliyə namizəd Araz Əlizadə ölkənin inkişafının ana, müəllim və hərbçilərdən asılı olduğunu deyərək, bu fikrini əsaslandırmağa çalışıb. Daha sonra Milli Şuranı və Cəmil Həsənlini tənqid edən A.Əlizadə öz fikirlərini konkret arqumentlərlə zənginləşdirib. C.Həsənlinin vaxtı bitəndən sonra studiyanı tərk etməsinə etiraz edən A.Əlizadə onu və Milli Şuradakı həmfikirlərini “qaçan qəhrəmanlar” adlandırıb. Prezident seçkilərində 3-cü dəfə iştirak etdiyini bildirən Hafiz Hacıyev çıxışında milli hakimiyyət və milli müxalifət məsələsinə toxunub. Müxalifətin Milli Şurada birləşən hissəsini tənqid edən H.Hacıyev həmin qüvvələrin xalqdan dəstək ala bilmədikləri üçün xarici qüvvələrə yarındıqlarını deyib. O, müxalifətin həmin cinahını şəxsi maraqları naminə ermənilərlə də yaxınlıq etdiyini bildirib. Sərdar Cəlaloğlu isə çıxışında müxalifətin hakimiyyətə, hakimiyyətin isə müxalifətə yol göstərməsindən danışıb. S.Cəlaloğlu daha sonra müxalifəti tənqid etmiş M.Rəhimovun fikirləri ilə razılaşmayayaq, onun sözlərinə etiraz edib. Prezidentliyə namizəd Qüdrət Həsənquliyev diqqəti ölkədə konstitusion islahatların vacibliyinə yönəldib. O. parlament respublikası modelinin Azərbaycan üçün daha məqbul olduğunu bildirib. Çıxışışnın davamında C.Həsənlinin kitabından sitat oxuyan Q.Həsənquliyev onun vaxtilə mövcud hakimiyyəti dəstəklədiyini diqqətə çatdırıb. Milli Şuranın prezidentliyə namizədi Cəmil Həsənli isə çıxışını hakimiyyətin tənqidi üzərində qurub və vaxti bitdikdən sonra studiyanı tərk edib.