Xəbər verdiyimiz kimi, ABŞ prezidenti Cozef Bayden mətbuat konfransını təcili dayandırıb.
O vacib məsələ ilə bağlı telefon görüşməsi etməli olduğunu bildirib.
AZXEBER.COM xəbər verir ki, "Al Mayadeen" nəşri həmin məsələnin təfərrüatlarını açıqlayıb.
Sayt iddia edib ki, pilotsuz təyyarələr Suriyada neft yatağı yaxınlığındakı ABŞ hərbi bazasına hücum edib.
Məqalədə qeyd edilir ki, Suriyanın şərqindəki Əl-Ömər neft yatağı yaxınlığındakı ABŞ hərbi bazası günorta saatlarında pilotsuz uçuş aparatları ilə hücuma məruz qalıb.
Bildirilir ki, pilotsuz təyyarələr Həsəkə əyalətinin cənubundakı Əl-Şəddadidəki ABŞ bazasına da zərbələr endirib.
Hadisə ilə bağlı ilk fotolar da yayımlanıb.
Qərb mətbuatı hələlik bu haqda heç bir məlumat yayımlamayıb.
Hadisə yerindən çəkildiyi iddia edilən fotonu təqdim edirik:
