"Rusiya Prezidenti Vladimir Putin ukraynalı həmkarı Vladimir Zelenski ilə danışıqlardan imtina etməyib".
Bu barədə Rusiya liderinin köməkçisi Yuri Uşakov Rusiya KİV-ə müsahibəsində bildirib.
Onun sözlərinə görə, zəng daxil olarsa, prezident ukraynalı həmkarına cavab verəcək.
"Mən elə düşünürəm ki, əlbəttə, cavab verəcək. Putin bir dəfə də olsun danışıqlardan imtina etməyib", - deyə Uşakov əmin edib.
Daha əvvəl Zelenski Rusiya rəhbərliyi ilə ərazi məsələsini müzakirə etməyə hazır olduğunu bildirmişdi. O vurğulamışdı ki, bu mövzunu yalnız Rusiya Prezidenti Vladimir Putinlə müzakirə etməyə hazır olacaq, digər məsələlər isə texniki qruplar səviyyəsində müzakirə ediləcək.
//Oxu.Az
