Qaçırılan ukraynalı deputat Leyla İbrahimova azad edilib.
Rusiya hərbçiləri martın 10-da səhər saatlarında qaçırılan Ukraynanın Zaporojye vilayət şurasının deputatı Leyla İbrahimovanı azad ediblər.
Bu barədə Ukraynanın sabiq prezidenti Petro Poroşenko xəbər verib:
"Leyla Melitopolda müqavimətin simvoludur. Məhz bu cəsarətli qadın hər gün insanları toplayaraq ukraynayönümlü mitinqlərə çıxanlar arasında idi. Onlar Rusiya əsgərlərinə göstərdilər ki, Melitopol Ukraynanındır”.
"Leyla artıq evindədir, lakin onunla əlaqə yoxdur”, - deyə o əlavə edib.
