"Qafqazinfo" sıfırdan başlayacaq
MARAQLI
12:23 24.05.2011
2423
Mayın 24-də “Media forum”a açıqlamasında baş direktor onu da deyib ki, saytın bərpa olunması istiqamətində işlər davam etdirilir: “Bu işlə məşğul olan mütəxəssislər yaxın saatlarda saytın fəaliyyət göstərəcəyinə söz veriblər. Ancaq onlar bildirirlər ki, arxivi bərpa etmək mümkün olmayacaq. Yəni indiyədək saytımızda yerləşdirilmiş materialların heç birini geri qaytara bilməyəcəyik. Faktiki sıfırdan fəaliyyət göstərməli olacağıq”.
Arxivin itməsinin “Qafqazinfo” üçün çox böyük itki olduğunu vurğulayan Elbrus Ərud bununla belə qeyd edib ki, bütün bunlar saytın reytinqinə təsir göstərə bilməyəcək, redaksiya kollektivi yeni materiallarla oxucuların əvvəlki sayını bərpa edə biləcəyinə əmindir.
