Qarabağ Azadlıq Təşkilatının nəşr etdirdiyi “Qarabağ gündəliyi” toplusunun 7-ci sayı çapdan çıxıb.Topluda cari ilin ilk yarısı ərzində ölkədə və xaricdə Qarabağla bağlı baş verən hadisələr, keçirilən tədbirlər, ortaya çıxan əsas tendensiyalar əks olunub, Dağlıq Qarabağ münaqişəsinin həlli yollarına dair irəli sürülən təkliflər, ekspert rəyləri, rəsmi və qeyri-rəsmi şəxslərin fikirləri yer alıb.Topluya daxil edilən materialların içərisində cəbhə xəttində atəşkəsin daha da intensiv şəkildə pozulması və buradan da müharibə ehtimalının artması, daxili və xarici ekspertlərin yeni müharibənin qaçılmaz olacağı ilə bağlı fikirlərinin daha tez-tez səsləndirilməsi və Azərbaycanın qalib gələcəyinə üstünlük verilməsi, başlayacaq müharibədə Rusiya və Türkiyə amillərinə diqqətin artmasına dair faktlar çoxluq təşkil edir.Toplu pulsuz olaraq dövlət orqanlarına , ictimai siyasi qurumlara, kitabxanalara və digər yerlərə paylanır. Toplunun elektron versiyası www.karabakh-doc.azerall.info saytında yerləşdirilib.
